ثلاث مواضيع للمناقشه =)

"The Burger Hub" اول موضوع عن مطعم خبونا عليه وطيروووه السما!! اللي اهو
مادري على شنو صج انه الناس اذواق لكن ما اعتقد انه لهالدرجه انحدرت اذواقهم مره وحده جذي
البرجرز كانو اقل من العادي و انا شخصيا افضل
صواريخ جسوم "Johny Rockets"
كابرجرز طعم و كميه وعليه القيمه
وكل واحد وذووقه =)
لكن عن الحلال والحرام الديكور عجبني
واعتقد هالايام الديكور وطريقة تقديم الاكل اهم من الطعم ويكون المكان صغير حبتين
عشان تقعد ابحضن اللي يمك وتكمل السالفه عنه و تتقلقص لما تدش ولما تطلع وتحوش ظهر واحد وشعر وحده والليتات تكون خافته عشان تحلي الواحد والموسيقى الصاخبه اهيا من مقومات المطعم الناجح والا شرايكم؟
وشنو احلى برجر اكلتووه؟؟

ثاني موضوع عن مواصفات شخصية زوج او زوجة المستقبل
عن نفسي آنا واعوذ بالله من كلمة انا اول شي يكون يخاف ربه عشان اذا كان يخاف ربه راح يخاف ربه فيني وراح يعرف شلون يتعامل معاي بحدود الدين
ابيه يكون ذا شخصيه قويه ومحبوب من الجميع يعني لما ادق على اهلي واقولهم اني بمرهم مع ريلي يردون علي "خل ريليج يوصل قبلج"
من كثر محبتهم له ومثل ما قلت شخصيه وخفة طينه وحليييييو مع الكل ودي يكووون مثقف وفاهم شيقول ولما اسئله عن اي شي يجاوبني بسسسسسس ما احب الفلسفجي واللي يتشيحط علي وعلى غيري ويا حبذا
touches يكوون رومانسي وراعي
وابييييييه يكون كريـــــــــــــــــــــــــــــــــم لا لااااااااااااااا للبخييييييييييييييييييييييييل ويع!!!
و سنع وخوش واحد ويمووووووووووووووووووووووت علي هههههه ايييييه وبعد ما احب يجابلني ٢٤/٧ بالبيت لانه راح تطق جبدي هههه
وهذا شي خطييير انا وحده ملووله اخاف امل من ريلي بعدين شسوي!!!! الله يستر...
واحب انه يكو صاحب ديوانيه الكل يحترمه وكلمته مسموعه او ياخذون ابكلامه
وآميين وصادق ومخلص واببييييييييييييه حنوووووووووووووووووون
وشنو بعد همممم ابيه يحترمني ويخاف علي و ما ابييييييييييييه شكاكككككك لا يحوشك!!!
هذا سو فار الي قدرت افكر فييه يمكن ناسيه اشياء ما قلتها
اييييه تذكرت ما ابييييه جميلللللللللللل ابيه حليييو كيوت و ابيييه اجلح املح وطويللل وعريض المنكبين ههههه وامتبتب
على هل الامنيات شكلي ما راح القى احد وراح انثبر ببيت اهلي وما اتزوج احسن هههههههه
الدور لكم انتو شنو ودكم؟؟ !!!


ثالث موضوع واهو انه كل ما يمر علي واحد لابس دشداشه وغتره وعقال وكاشخ حده تلقوني اخوووزز باظافر ريله هههههههه مادري ليش هل انا الوحيدة والا فيه بنات مثلي و يا هول ما شفت يعني كاشخلي من فوووق وكاشت باظافر ريلك!!!! ايييي ليشششششش تري الريل لها حق عليك ليش ما تقرضوون اظافر ريييلكم؟؟؟ و ليش ما تفركوون ريلكم؟؟؟ كل هذا عيزز اشوووفك ما تعيزت لما قاعدلي ساعتين على نسفة الغتره يبا ما راح ياخذ من وقتك الا ٦ دقايق!! وااااي على الكسل وانا اقووول البعض مو الكل يعني صج يضيق خلقي لما شوف اوادم جذي =(


وجني مصختهاااااااااا واخليكم تعلقووون لااااااااااازم تعلقووون عشان ما احس اني اكلم روووحي =P